عن مسلسل رجالة البيت يكتب عبد العزيز أحمد

#جعلوني_منصفاً 

لماذا يجب علينا إنصاف أحمد فهمي وأكرم حسني على #رجالة_البيت؟ 

أولاً: هل أحمد فهمي وأكرم حسني نجوم كوميديا، يعني بيضحكونا، ايوه طبعاً أحمد فهمي ممثل موهوب وله باع طويل في الكوميديا وأكرم حسني لا يقل عنه نجومية وخفة دمه ميختلفش عليها أتنين،  أذن هناك مشكلة أخرى.

ثانياً: مشكلة رجالة البيت بمنتهي الصراحة والوضوح سيناريو، وهذا لا يتحمله أحمد فهمي وأكرم حسني حتى لو كانوا نجوم العمل، كلنا ممكن نختار حاجة حلوة لما تتنفذ طلع مش على قد المستوى اللي كونا متوقعينه، فبالتالي رفقاً باختياراتهم.

ثالثاً : اللي يعجبك ممكن ميعجبنيش واللي يعجبني ممكن ميعجبكش ، والحقيقة في ناس كتير عجبها رجالة البيت.

رابعاً: ودي مهمة جداً ياما أحمد فهمي وأكرم حسني عملوا مسلسلات ضحكتنا سواء هما الاتنين مع بعض او منفصلين، فلما يجي مسلسل يبقى مش في نفس مستوى الضحك، منسلخش عشان فيه ناس بتتعب أوي عشان تعمل حاجة تبسطكوا، ساعات تصيب وساعات تخيب.

خامساً : الضحك ده نسبي اوي، نسبي لدرجة اني لو بصيت للضحك الخليجي او الشامي او او ، هتلاقي حاجة بالنسبة لك منتهى السخافة، وإحنا شعب دمه خفيف، فالناس اللي بتكتب وبتشتعل كوميدي لازم تعلى على أكتر شعب في العالم بيرمي ايفيهات، مش سهلة برضه.

أخيراً وليس أخراً : مبسوط من كل ناقد او فنان محترم قال خيراً أو صمت، عشان حقيقي أحمد فهمي وأكرم حسني من أكتر الفنانين الموهوبين المحترمين اللي عندهم شغف بالنجاح، لذلك يجب علينا الدفاع عنهم وإنصافهم لأبعد مدى، ولنقل خيراً أو نصمت ✋

المصدر

https://www.facebook.com/100003253667999/posts/2888677644583996/