لو تم اكنشاف مصل لكورونا النهارده بقلم كريم منير
فرضا لو تم اكتشاف مصل غدا على سبيل المثال
والمصل اصبح حقيقي وتم التصريح به
ف فعليا وتم انتاجه ليغطي كوكب الارض فده محتاج مش اقل من سنه
خلال السنه دي عدد الاصابات اللي كسر المليون اصابه حتى تاريخ 2 ابريل 2020
ده ممكن 100 ضعف او اكتر
يعني اكتر من مئة مليون مصاب
الارقام اللي فاتت دي مش عشان اخوفك ولا ارعبك
الارقام دي تمهيد للي جاي
اللي حصل في اقتصاد العالم
انه اتصاب بعشرين قنبله نوويه
وفي الانفجارات النوويه توابع الانفجار اشد من الانفجار
وكل اللي حصل ده عباره عن رأس الجبل الثلجي اللي في فيلم تيتانك مثلا
كل التحذيرات دي عشان بس شايفين قمه جبل الثلج .. لكن الكارثه الاكبر بكتير قوى تحتيه
واحنا في مصر هنا عاملين زي ركاب السفينه تيتانك وهما في الحفله .. مقضينها اكل وشرب ورقص
ومش مدركين الكارثه اللي داخلين عليها
ابسط شيئ تتخيله ان مفيش دوله هتقبل دخول شخص غريب لا يحمل شهاده معتمده بانه اخد المصل وصحته جيده .
او انه اتصاب بالفيروس وتم شفائه تماما
واخد بالك انت المصل اللي لسه لم يكتشف !!!
طب تعالي ننظر نظره تانيه كده..
كل دول العالم المنتجه للمحاصيل .. هتوقف تصديره وتضاعف مخزونها الاستراتيجي
وكل الدول المستهلكه لازم تعيد تنظيم انماط الاستهلاك بتاع شعوبها
قيس علي كده بقي حبوب وخضروات والبان مجففه ومواد خام تصنيع الغذاء والاف التفاصيل
ولو انتقلنا لاكبر صناعات الكوكب فهي السيارات
فدي لازم تتضرب في مقتل
الاول مثلا في مصر هنعاني من كساد فظيع عشان مخزون كبير وقوى شرائيه ضعفت لانها هتتوجه لاشياء اخرى .. لكن علي صعيد اخر المصانع شبه توقفت والاف الصناعات المغذيه شبه توقفت او اتعطلت
وفي شركات كتير هتخرج بره سباق التصنيع
وعلي سبيل الالكترونيات اكبر مصانع المغذيه متوقفه تماما وعشان تشتغل تاني محتاجه دفعة
في ظل انهيار عالمي لاسهم الشركات في البورصه
وحتى الدعم اللي كانت بتاخده الشركات من الحكومات مش هتلاقيه عشان الحكومات وجهت جزء كبير جدا من الاحتياطي النقدي لمواجهه اثار الكارثه
قيس علي كده معظم الصناعات
والانماط الاستهلاكيه لازم هتتغير جذريا
وعلي الهامش هيزيد وبشده التباعد الاجتماعي
في ظل عدم وجود مصل للفيروس
طيب امتي متوقع اننا نفوق من كورونا وتبعاته
يعني يلاقو مصل ويتجرب ويتوافق عليه ويتصنع بكميات مقبوله ويبدء يتوزع عالميا وعلى النخبه والصفوة وصانعي القرار الاول ثم العسكريين ثم الصفوه من الطبقات فوق المتوسطه ثم المتوسطه ثم الفقيره
ده بافتراض ان الشركات المصنعه مش هتاخد ارباح خياليه لتصنيعه وتطلعه بحق انتاجه او ببلاش كمان
للاسف اشد المتفائلين من المحللين الاقتصاديين بيقولو اننا مستمرين في الازمه دي لاخر 2021 او النصف الاول من 2022
يعني من سنه ونصف لسنتين
اه والله يمكن اكتر
بالمناسبه دي افكركم
ان سارس وميرز
اخوات الكورونا الكبار ونفس العائلة
ملهمش تطعيم رسمي لحد دلوقتي من 2005
ف لسه قدامنا شويه وقت حلوين
لازم خلالهم نعيد التفكير بحياتنا وعاداتنا وانظمه استهلاكنا واوجه الانفاق وترتيب الاولويات
بس يمكن كلام غريب شويه
لو عايز تشتري حاجه ونفسك فيها اشتريها
خصوصا الحاجات اللي بتتصنع بره
موبايل بقي ولا سماعه ولا ساعه ولا عربيه ولا حتى برفيوم
لانك مش عارف هتلاقيها امتي تاني
متستغربش . الانسان من غير لقطات بسيطه تبسطه
ممكن يجيله اكتئاب مميت
واحنا داخلين ايام غامقه شويتين
طيب العالم هيستعيد قدرته الصناعيه امتى؟
خصوصا ان (التطوير والأبحاث والابتكار)
هيقفوا حبه حلوين للصناعات دي
وهيتوجهوا للطب والدواء
ولازم الشعوب والدول تتكاتف للتعاون فعلا بدون اي استهتار ولا تهاون
ووضع العلم والطب على رأس اهتمامات الكوكب
كمحاوله فعاله للسيطره علي عدم فناء الجنس البشري
يمكن البوست متشائم شويه ويمكن حقيقي شويتين
لكن دايما الحقيقه صادمه الى حد ما
بقالي يومين بكتب فيه
وخففت حده الكلام اكتر من مره
وحاولت اكون متفائل قدر المستطاع
ولكن دائما وابدا
الحمد لله
نسأل الله السلامه والنجاه مع الأخذ بالاسباب
#كورونا_2020
تعليقات
إرسال تعليق